400-ლარიანი ჯებირის დაზიანების საქმეზე დაკავებული ომარ ოკრიბელაშვილისა და საბა მეფარიშვილის პროცესი ისევ გადაიდო. სხდომა ხვალ, 22 ნოემბერს 16 საათზე ჩაინიშნა;
პუბლიკის ცნობით, მიზეზი კვლავ მოსამართლის ჯანმრთელობის მდგომარეობაა.

პროცესი 11 ნოემბერსაც მოსამართლე ნათია გუდაძის ჯანმრთელობის მდგომარეობის საბაბით გადაიდო.

ბრალდებულებს ბოლო სასამართლო პროცესი სექტემბერში ჰქონდათ. 19 წლის ომარ ოკრიბელაშვილსა და 23 წლის საბა მეფარიშვილს 400-ლარიანი ჯებირის დაზიანების გამო, 3-დან 6 წლამდე თავისუფლების აღკვეთა ემუქრებათ.