ლიამ პეინის დაკრძალვაზე One Direction-ის წევრები მივიდნენ

ლიამ პეინის ოჯახი, მეგობრები და ბენდის ყოფილი წევრები ოთხშაბათს დილით ინგლისში მომღერლის დაკრძალვაზე შეიკრიბნენ. ლიამ პეინი ერთი თვის წინ არგენტინაში, აივნიდან გადმოვარდნის შემდეგ გარდაიცვალა. ის 31 წლის იყო.

ზეინ მალიკი, ჰარი სტაილსი, ნაიალ ჰორანი და ლუი ტომლინსონი, რომლებიც პეინთან ერთად მსოფლიოს ისტორიაში ერთ-ერთი ყველაზე წარმატებული ბოიბენდის წევრები იყვნენ, პაპარაცებმა დააფიქსირეს.

დაკრძალვაზე მუქი ლურჯი სასახლე ცხენებიანმა ეტლმა მიიტანა ძველებურ, კირქვით ნაშენებ ეკლესიამდე, რომელიც თეთრი ვარდებით იყო გაფორმებული. ფოტოებზე ჩანს ყვავილებით დამზადებული ორი დეკორაციაც, რომელთაგან ერთ-ერთს "შვილი", მეორეს კი "მამიკო" აწერია.

დაკრძალვაზე იმყოფებოდა საიმონ ქოუელიც, Britain's Got Talent-ს ჟიურის წევრი და მუსიკოსი, რომელმაც One Direction შექმნა და ბენდის დაშლამდე ასრულებდა მათი მენეჯერის მოვალეობას. ქოუელს ფოტოებზე პეინის დედ-მამასთან ვხედავთ, სადაც ჩანს, რომ ის მათ ამშვიდებს და ნუგეშს სცემს.