დღეს, 19 საათზე თსუ-ის I კორპუსის ეზოში პროფესორ-მასწავლებლები აქციას მართავენ. ისინი საგანმანათლებლო სფეროში მომუშავე პერსონალს მოუწოდებენ, რომ გვერდით დაუდგნენ თავიანთ მოსწავლეებს და ქვეყანას.

"მოგესალმებით, გელოდებით დღეს, 20 ნოემბერს, 19:00 საათზე, თსუ-ის პირველი კორპუსის ეზოში (ილია ჭავჭავაძის გამზირი 1).
გელოდებით ყველა ასოცირებულ პროფესორს, მოწვეულ ლექტორს, დოქტორანტს და ყველა საგანმანათლებლო სფეროში მომუშავე პერსონალს, დაუდექით თქვენს მოსწავლეებს და ქვეყანას გვერდში უკეთესი მომავლისთვის", — ნათქვამია გავრცელებულ განცხადებაში.