საპატრულო პოლიციის უფროსის მოადგილის, კახა ბუხრაძის მტკიცებით, 112-ზე შედიოდა "მრავალი შეტყობინება" და ხალხი ითხოვდა გზის გაწმენდას. ბუხრაძე ასე განმარტავს თსუ-სთან აქციის ძალით დაშლის აუცილებლობას.

"112-ის საშუალებით მრავალი შეტყობინებაა შემოსული. გადაამოწმეთ. რაოდენობას ვერ გეტყვით, მაგრამ უამრავია. უამრავი, ჩემი აზრით, 50-100 მაინც, რაც მე მოვისმინე. ხალხი ითხოვდა გზის გაწმენდას, ორი დღის განმავლობაში იყო პარალიზებული... ხალხი სამსახურში ვერ მიდიოდა, ბავშვები ვერ მიჰყავდათ...

ჩვენ ყველას უფლებებს ვიცავთ, როგორც ამ ხალხის, ასევე მოქალაქეებისაც. მივედით, ავუხსენით როგორც ჩვენ, ისე მერიის წარმომადგენლებმა, მისცეს გონივრული ვადა, რომ გაეთავისუფლებინათ აღნიშნული ტერიტორია. რა თქმა უნდა, [გზა] ხელოვნურად იყო ჩაკეტილი. კი ბატონო, გზის გადასაკეტად არასაკმარისი რაოდენობა იყო ხალხის, საკმარისი არაა იმისთვის, რომ ქალაქის პარალიზება მოახდინონ“, — თქვა ბუხრაძემ TV პირველთან.