აქციის მონაწილეებმა ღამე ჭავჭავაძის გამზირზე გაათიეს

აქციის მონაწილეებმა ღამე ჭავჭავაძის გამზირზე გაათიეს. მათთან ერთად იმყოფებოდნენ ოპოზიციის ლიდერები.

ამ დრომდე გადაკეტილის მოძრაობა ჭავჭავაძის გამზირზე. ადგილზე ათზე მეტი კარავია გაშლილი.

ჭავჭავაძის გამზირი წუხელ გვიან ღამით კოალიცია ცვლილებების ლიდერის ნიკა გვარამიას მოწოდებით გადაიკეტა, მათ შეუერთდნენ სხვადასხვა უნივერსიტეტის სტუდენტები და პარლამენტთან მიმდინარე საპროტესტო აქციის სხვა მონაწილეები. გვარამიამ განაცხადა, რომ ოპოზიცია თსუ-სთან ღამის გათენებას და ჭავჭავაძის გამზირის 24 საათით გზის გადაკეტვას გეგმავდა.

"ჩვენ აქ ვდგავართ და ჩვენ აქ ვრჩებით. 24 საათი ეს აქცია იდგება აქ, ვინ არის თანახმა თქვენ შორის, რომ არ შეუშინდეს დაჭერას, არ შეუშინდეს სიცივეს, არ შეუშინდეს რუსულ რეჟიმს, იმიტომ, რომ ეს სამშობლო ჩვენია.

მოძრაობა არ იქნება, ამ მაგისტრალზე მოძრაობა არ იქნება, არც სხვა მაგისტრალებზე, ნელ ნელა მაგრამ მიზანმიმართულად დაგეგმილად მშვიდობიანად დავიკავებთ ჩვენ ქვეყანას, ეს ქვეყანა ჩვენია, ყველას ძალიან დიდი ბოდიში", — განაცხადა ნიკა გვარამიამ.

აქციის მონაწილეები არჩევნების გაყალბებას აპროტესტებენ და ხელახალი არჩევნების ჩატარებას მოითხოვენ.