ცენტრალურ საარჩევნო კომისიაში სხდომა განახლდა. სხდომაზე ცესკოს თავმჯდომარე, გიორგი კალანდარიშვილი, ახვეული თვალით დაბრუნდა — ეს, სავარაუდოდ, ინციდენტს უკავშირდება, როცა მას შავი საღებავი შეასხეს.

"ის რაც დღეს ვნახეთ ჩვენ, ეს არის სახე ამ კონკრეტული ადამიანის ბოროტების, კიდევ ერთხელ, ის ცნობილი იყო, როგორც წარჩინებული პროვოკატორი ჩვენს კომისიაში, რომელმაც კიდევ ერთხელ, საბოლოოდ და სამუდამოდ ჩამოიკიდა ის სახელი, რასაც ჰქვია პროვოკაცია და ბოროტება", — განაცხადა კალანდარიშვილმა დაბრუნების შემდეგ.

ინფორმაციისთვის, ცესკოს არჩევნების შემაჯამებელ სხდომაზე დაპირისპირება იყო. ცესკოში "ერთიანობა — ნაციონალური მოძრაობის" წარმომადგენელმა, დავით კირთაძემ, კომისიის თავმჯდომარეს, გიორგი კალანდარიშვილს "შავი ლაქა" უწოდა და შავი საღებავი შეასხა.