არანაირი აქტივიზმი ოჯახში მივარდნა არ არის. ეს არის ჩვეულებრივი ფაშიზმი, — ასე ეხმაურება პარლამენტის თავმჯდომარე შალვა პაპუაშვილი ცესკო-ს თავმჯდომარე გიორგი კალანდარიშვილის სახლთან მოწყობილ საპროტესტო აქციას.

მისი თქმით ეს ქმედება "ამ დღეებში თბილისში ჩამოსული ევროპელი პოლიტიკოსების უპასუხისმგებლო მოწოდებებმა წაახალისა".

"არანაირი აქტივიზმი ოჯახში მივარდნა არ არის. ეს არის ჩვეულებრივი ფაშიზმი, რომელიც, ამ დღეებში, თბილისში ჩამოსული ევროპელი პოლიტიკოსების უპასუხისმგებლო მოწოდებებმა წაახალისა.

შავ ლაქად გარდაქმნილი ფაშისტური სამკლაურებიც ასეთად დარჩება ჩვენი ხალხის მეხსიერებაში", — წერს შალვა პაპუაშვილი სოციალურ ქსელში.

დღეს საღამოს, ახალგაზრდები ცენტრალური საარჩევნო კომისიის თავმჯდომარის, გიორგი კალანდარიშვილის სახლთან შეიკრიბნენ და გაყალბებულ არჩევნებს აპროტესტებენ.

"მონობა სიჩუმით იწყება", "გამჭვირვალე არჩევნები გამჭვირვალე ფურცელს არ ნიშნავს", "მოპარული არჩევნები, მოპარული მომავალი" — წერია დემონსტრანტების ბანერებზე