რუსეთის სახელმწიფო სათათბიროს ახალი კანონპროექტით კიდევ უფრო დამძიმდება იმ კერძო პირების მდგომარეობას, რომლებსაც “აგენტის” სტატუსი აქვთ.

რუსეთის სახელმწიფო სათათბიროს თავმჯდომარის ვიაჩესლავ ვოლოდინის თქმით, სახელმწიფო სათათბირო ამუშავებს კანონპროექტს, რომლის მიხედვითაც დაგეგმილია სპეციალური გადახდის პროცედურის დაწესება უცხოელი აგენტებისთვის, რომლებიც იღებენ შემოსავალს შემოქმედებითი საქმიანობიდან. ეს თანხები გადაირიცხება რუბლის სპეციალურ ანგარიშზე, რომლის გახსნა სავალდებულო იქნება უცხოელი აგენტებისთვის.

"ჩვენ ასევე განვიხილავთ ამ წესის გავრცელების შესაძლებლობას მათზე, ვინც დატოვა რუსეთი და შეურაცხმყოფლად ლაპარაკობს ქვეყანაზე და სპეციალური სამხედრო ოპერაციის მონაწილეების მიმართ, ხოლო თანხებს იღებენ რუსეთის ფედერაციაში მათი ქონების გაქირავებიდან და გაყიდვიდან", — აღნიშნა ვოლოდინმა.

მისივე თქმით, უცხოელი აგენტები თანხის გამოტანას სპეციალური ანგარიშიდან მხოლოდ იმ შემთხვევაში შეძლებენ, თუ ისინი რუსეთში იმყოფებიან. ამასთან, ისინი თანხის უცხო ქვეყნის ანგარიშზე გადარიცხვას ვერ შეძლებენ. ამის შესახებ ინფორმაცია სახელმწიფო სათათბიროს ტელეგრამის არხზე 11 ნოემბერს გამოქვეყნდა.

სახელმწიფო დუმამ კანონპროექტი მიმდინარე კვირაში უნდა განიხილოს.