აშშ-ის ახლა არჩეული პრეზიდენტი, სონალდ ტრამპი ადასტურებს, რომ ეროვნული უსაფრთხოების საკითხებში მრჩევლად კონგრესმენ მაიკ ვოლცს დანიშნავს. ამის შესახებ იგი პლატფორმა Truth Social-ზე ადასტურებს.

"ჩემი პატივია გაცნობით, რომ კონგრესმენი მაიკ უოლცი ამგვარად ინიშნება, რომ იმსახუროს ჩემს კაბინეტში ეროვნული უსაფრთხოების საკითხებში ჩემს მრჩევლად. მაიკი პირველი მწვანე ბერეტია [აშშ-ს სპეცდანიშნულების ძალები], რომელიც კონგრესში აირჩიეს და მანამდე თეთრ სახლსა და პენტაგონში მსახურობდა", — წერს ტრამპი.

ვოლცი ჩინეთის წინააღმდეგ უხეში პოლიტიკის გამტარებლად ითვლება, ხოლო მან 2021 წელს განაცხადა, რომ აშშ ჩინეთთან "ცივ ომში" იმყოფება.

უკრაინასთან მიმართებით, მას 2022 წელს ნათქვამი აქვს, რომ "უკრაინაში რუსეთის შეჩერება" აშშ-ის მხრიდან სწორი იქნება. ომის დაწყების შემდეგ იგი ბაიდენის ადმინისტრაციას, 2022 წლის თებერვალში, უკრაინაში სრულმასშტაბიან შეჭრამდე ბაიდენის სუსტ საგარეო პოლიტიკას აკრიტიკებდა, იმის გამო რომ მათ რუსეთი "ვერ შეაკავეს".

მან ასევე 22 აპრილს, აშშ-ს კონგრესში უმასპინძლა ფილმის ჩვენებას "ბუჩამდე იყო აფხაზეთი".

ვოლცს 12 კონგრესმენთან ერთად ხელი აქვს მოწერილი ანგარიშზე, რომელშიც ქართული ოცნების საპატიო თავმჯდომარე და დამფუძნებელი ბიძინა ივანიშვილი არის დახასიათებული როგორც "პუტინის ახლო მოკავშირე".

იგი კონგრესმენად პირველად 2018 წელს აირჩიეს.