ამერიკული მედიის ცნობით, დონალდ ტრამპი ტელეფონით რუსეთის ფედერაციის პრეზიდენტს, ვლადიმერ პუტინს ესაუბრა. აშშ-ის საპრეზიდენტო არჩევნებში გამარჯვებულმა კანდიდატმა პუტინთან უკრაინის ომი განიხილა.

Washington Post-ის ინფორმაციით, ტრამპმა რუსეთის პრეზიდენტს უკრაინაში ომის მეტად ესკალაციისგან თავის შეკავებისკენ მოუწოდა და შეახსენა, რომ ვაშინგტონს ევროპაში სამხედრო ძალები ჰყავს.

დონალდ ტრამპმა უკრაინის ომის დასასრულებლად დამატებითი საუბრების სურვილიც გამოთქვა. საპრეზიდენტო არჩევნებამდე მან ისიც კი განაცხადა, რომ იპოვიდა გადაწყვეტას, რომელიც ომს ერთ დღეში დაასრულებდა.