საფრანგეთის პრეზიდენტმა, ემანუელ მაკრონმა, აშშ-ში დონალდ ტრამპის ქვეყნის პრეზიდენტად არჩევის ფონზე, განცხადება გააკეთა, რომ ევროპა მსოფლიოში "ბალახისმჭამელი" ვეღარ იქნება და საჭიროა, რომ ევროპა "ნაირმჭამელი" გახდეს.

ამის შესახებ მან ბუდაპეშტში გააკეთა განცხადება და ევროპელ ლიდერებს მიმართა.

"ჩემთვის ეს მარტივია. მსოფლიო ბალახისმჭამელებისგან და ხორცისმჭამლებისგან შედგება. თუკი ჩვენ გადავწყვეტთ, რომ ბალახისმჭამელებად დავრჩეთ, მაშინ ხორცისმჭამლები გაიმარჯვებენ და ჩვენ მათი პროდუქტი გავხდებით", — თქვა მაკრონმა.

საფრანგეთის პრეზიდენტი მომხრეა, რომ ევროპაში ერთიანი თავდაცვის სივრცე შეიქმნას, რომელიც დამოუკიდებელი იქნება აშშ-სგან. ევროპაში ზოგიერთი მოელის, რომ ამერიკის ჩართულობა NATO-ში შესუსტდება, რაც ქვეყნების თავდაცვის ხარჯის გაზრდას აიძულებს.

"ჩემი აზრით, ჩვენ, სულ მცირე, ნაირმჭამელები უნდა გავხდეთ. არ მინდა, აგრესიული ვიყო, მხოლოდ ის, რომ ჩვენ ვიცოდეთ, როგორ დავიცვათ საკუთარი თავი ყველა ასეთი სუბიექტისგან", — განაცხადა მაკრონმა.