არასამთავრობო ორგანიზაცია სამოქალაქო იდეას დამფუძნებელი თინა ხიდაშელის წერს, რომ ქართულ ოცნებას დონალდ ტრამპის მეორე ვადით არჩევა არ უნდა უხაროდეს. ამის დასტურად ის რამდენიმე მიზეზს ასახელებს, მათ შორის — კონგრესის წარმომადგენელთა პალატაში საქართველოს შესახებ აქტები ტრამპის მხარდამჭერი კონგრესმენების მიერაა ინიცირებულია. ამას გარდა, მისი თქმით, ტრამპის ადმინისტრაციისთვის "წითელი ხაზი" იქნება ამერიკის ხარჯზე ჩინეთთან სტრატეგიული თანამშრომლობა, მისივე პრეზიდენტობის დროს მიიღო საქართველომ "მრავალი წლის ნანატრი ჯაველინები და ყველაზე დიდი სამხედრო დახმარება."

"ღმერთო ჩემო, ამათ რა უხარიათ?

ფაქტები:

1. კონგრესის წარმომადგენელთა პალატაში საქართველოს შესახებ აქტები ტრამპის მხარდამჭერი კონგრესმენების ინიცირებულია.

2. სენატში ორპარტიულია.

3. ტრამპის პირველი პრეზიდენტობის დროს სახელმწიფო მდივანი იყო პირველი ამერიკელი მაღალი თანამდებობის პირი რომელმაც საჯაროდ, პრესკონფერენციაზე მის გვერდით მდგომ ქართველ პრემიერს თითი უქნია და ჩინეთს და რუსეთს ნუ გადააყლაპებთ საქართველოსო.

ანაკლიას ნუ აჩუქებთ ჩინელებს და რუსებსო მოგვიწოდა!

4. ჩინეთთან სტრატეგიული თანამშრომლობა, თან ამერიკის ჯინაზე და ხარჯზე როგორც ესენი იქცევიან ტრამპის ადმინისტრაციისთვის სრულიად გაუვალი წითელი ხაზია.

5. ტრამპის პირველი პრეზიდენტობის დროს მივიღეთ მრავალი წლის ნანატრი ჯაველინები და ყველაზე დიდი სამხედრო დახმარება.

6. კონგრესმენი ჯო უილსონი ერთ-ერთი პირველი იყო ვინც ივანიშვილის დასანქცირება მოითხოვა და მასზე ერთგული მიმდევარი პრეზიდენტ ტრამპს ძალიან ცოტა ჰყავს.

ხოდა, რა ვიცი, კიდევ ვკითხულობ რა უხარიათ?" — წერს თინა ხიდაშელი სოციალურ ქსელში.