სააგენტო ფრანს-პრესს-ი გერმანიის კანცლერის პრესსპიკერზე, შტეფენ ჰებესტრეიტზე დაყრდნობით ინფორმაციას ავრცელებს, რომ საფრანგეთის პრეზიდენტმა, ემანუელ მაკრონმა და გერმანიის კანცლერმა, ოლაფ შოლცმა სატელეფონო საუბარში აშშ-ის საპრეზიდენტო არჩევნები განიხილეს.

"შეთანხმდნენ, რომ ამ საკითხთან დაკავშირებით მჭიდროდ ითანამშრომლონ", — ჰებესტრეიტმა.

ამასთან, საფრანგეთის პრეზიდენტმა, ემანუელ მაკრონმა დონალდ ტრამპს არჩევნებში გამარჯვება მიულოცა.

დონალდ ტრამპს არჩევნებში გამარჯვება სოციალური ქსელის მეშვეობით მაკრონმა მიულოცა.

"პრეზიდენტ დონალდ ტრამპს ვულოცავ. ჩვენ მზად ვართ ერთად ვიმუშაოთ, როგორც ამას ოთხი წელი ვაკეთებდით. რწმენით, პატივისცემითა და ამბიციით. მეტი მშვიდობისა და კეთილდღეობისთვის", — წერს საფრანგეთის პრეზიდენტი.

როგორც გერმანიის კანცლერმა აღნიშნა, გერმანიასა და აშშ-ს ერთმანეთთან თანამშრომლობის ხანგრძლივი ისტორია აკავშირებს.

"დონალდ ტრამპს აშშ-ის პრეზიდენტად არჩევას ვულოცავ. გერმანიასა და ამერიკის შეერთებულ შტატებს წარმატებული თანამშრომლობის ხანგრძლივი ისტორია აქვთ, რაც ოკეანის ორივე მხარეს კეთილდღეობასა და თავისუფლებას ხელს უწყობს. ჩვენ ამის გაკეთებას ჩვენი მოქალაქეების საკეთილდღეოდ გავაგრძელებთ", — განაცხადა შოლცმა.