რუსული მხარე მზადაა, გააგრძელოს საქართველოსთან ორმხრივი ურთიერთობების ნორმალიზების პროცესი, ამის შესახებ რუსეთის საგარეო საქმეთა მინისტრმა სერგეი ლავროვმა განუცხადა. ინფორმაციას რია ნოვოსტი ავრცელებს.

"ქართველმა ხალხმა გააკეთა თავისი არჩევანი, ჩვენ მზად ვართ გავაგრძელოთ ორმხრივი ურთიერთობების ნორმალიზება", – განაცხადა მან საქართველოში ჩატარებული ბოლო არჩევნების შესახებ.

მინისტრმა დასძინა, რომ აშშ და ევროკავშირი ხელოვნურად ცდილობენ საქართველოში მიმდინარე საარჩევნო პროცესი წარმოაჩინონ, როგორც სტრატეგიული არჩევანი რუსეთსა და დასავლეთს შორის. ამით მათ სურთ, რომ საქართველო და პოსტსაბჭოთა სივრცის სხვა სახელმწიფოები მცდარ გზაზე დააყენოს, – განაცხადა ლავროვმა.