მოლდოვაში ჩატარებული არჩევნები არც დემოკრატიული იყო და არც სამართლიანი, მაია სანდუ მოლდოველების უმრავლესობას არ აურჩევია, — ამის შესახებ რუსეთის პრეზიდენტის პრესმდივანმა, დიმიტრი პესკოვმა განაცხადა.

პესკოვის თქმით, რუსეთში მცხოვრებ ასობით ათას მოლდოველს ხმის მიცემის საშუალება არ მიეცა, განსხვავებით დასავლეთში მცხოვრები მოლდოველებისგან, რომელთა ხმები მისი გამარჯვებისთვის გადამწყვეტი იყო.

"ეს არჩევნები არც დემოკრატიული იყო და არც სამართლიანი. რაც შეეხება ქალბატონ სანდუს, თქვენ იცით, ჩვენი გაგებით, ის არ არის თავისი ქვეყნის პრეზიდენტი, რადგან თავად ქვეყანაში მოსახლეობის უმრავლესობას მისთვის ხმა არ მიუცია, ჩვენ ვსაუბრობთ ძალიან, ძალიან გახლეჩილ საზოგადოებაზე. ეს წინააღმდეგობები აუცილებლად გაგრძელდება", — განაცხადა პესკოვმა.