Ukrainska Pravda-ს ინფორმაციით, კურსკის რეგიონში უკრაინელ და ჩრდილოეთკორეელ სამხედროებს შორის პირველი შეტაკებები უკვე მოხდა. ინფორმაცია გამოცემას დაუდასტურა უკრაინის სამხედრო დაზვერვის მაღალჩინოსანმა, თუმცა დეტალები არ მიუწოდებია.

ამ მომენტისთვის უკრაინელი სამხედროები რუსეთის კურსკის რეგიონში 600 კვადრატულ კილომეტრს აკონტროლებენ. ცოტა ხნის წინ სამხედრო დაზვერვა აცხადებდა, რომ რუსეთის ფედერაციამ ჩრდილოეთკორეელი სამხედროები 60მმ-იანი ნაღმტყორცნებით, ტყვიამფრქვევებით, ანტისატანკო მართვადი რაკეტებითა და სხვა იარაღით მოამარაგა.

გასულ კვირას აშშ-ისა და სამხრეთ კორეის სამხედრო მაღალჩინოსნებმა დაადასტურეს ცნობები, რომ კურსკში დაახლოებით 8000-მდე ჩრდილოკორეელი სამხედრო გაიგზავნა, რათა რუსეთის არმიას დაეხმარონ.