შემოსავლების სამსახურის ინფორმაციით, 17 და 18 აგვისტოს, ფინანსთა სამინისტროს შემოსავლების სამსახურის მებაჟე ოფიცრებმა არადეკლარირებული ოქროსა და ვერცხლის ნაკეთობების ქვეყანაში კანონდარღვევით შემოტანის ფაქტები აღკვეთეს.

უწყების ცნობით, მათ არადეკლარირებული ოქროსა და ვერცხლის ნაკეთობები სადახლოსა და თბილისის აეროპორტში აღმოაჩინეს.

საქონლის (ოქრო 356,89 გრ., ვერცხლი 499,19 გრ. და ბიჟუტერია) საერთო საბაჟო ღირებულებამ ჯამში, 19,943 ლარი შეადგინა. საქართველოს საგადასახადო კოდექსის 289-ე მუხლის მე-10 ნაწილის შესაბამისად, მოქალაქეებს, სანქციის სახით, ფულადი ჯარიმა, საერთო ჯამში, 19,943 ლარის ოდენობით შეეფარდათ.