თბილისში, დადიანის ქუჩაზე, კაცმა ყოფილი ცოლი და მისი თანამშრომელი ცივი იარაღით დაჭრა. შემთხვევა გუშინ, საღამოს საათებში მოხდა.

გავრცელებული ინფორმაციით ქალი დადიანის ქუჩაზე მდებარე სალონში მუშაობდა. ამასთან, ცნობილია, რომ დაჭრილია სალონში მომუშავე კიდევ ერთი ქალი, რომელიც ცდილობდა თავდამსხმელი კაცის შეკავებას.

შინაგან საქმეთა სამინისტროს ინფორმაციით, კაცი ცხელ კვალზე დააკავეს.

გამოძიება სისხლის სამართლის კოდექსის 118-ე მუხლის მე-11 პრიმა მეორე ნაწილით დაწყებულია, რაც ითვალისწინებს ჯანმრთელობის განზრახ ნაკლებად მძიმე დაზიანებას ოჯახის წევრების მიმართ.