"მალე საქართველოში მოქმედ ყველა საქალაქო/რაიონულ სასამართლოში ვიდავებთ", — ამის შესახებ სოციალურ ქსელში საიას თავმჯდომარე, ნონა ქურდოვანიძე სოციალურ ქსელში წერს. მისი თქმით, საქართველოში 24 მოქმედ საქალაქო/რაიონულ სასამართლოა.

"მალე საქართველოში მოქმედ ყველა საქალაქო/რაიონულ სასამართლოში ვიდავებთ. ასეთი სულ 24-ია. საიამ ხმის ფარულობაზე საჩივრები შეიტანა ყველა საარჩევნო ოლქში. 73 ოლქში შეტანილი საჩივრები მალე 24 საქმედ დაჯგუფდება და ყველა სასამართლოს დავუმტკიცებთ სიმართლეს, რომ არჩევნები ფარულად არ ჩატარებულა. ამ 24-დან ერთმა მოსამართლემაც რომ გაბედოს სიმართლის მხარეს დგომა, დემოკრატიის გადარჩენა შესაძლებელი იქნება", — აცახდებს ნონა ქურდოვანიძე.

საია წერს, რომ 2024 წლის არჩევნებზე ხმის ფარულობის უფლება მასობრივად დაირღვა. ბიულეტენების უკანა მხარეს გაფერადებული წრის კვალი რჩებოდა. ამასთანვე, თითქმის ყველა უბანზე დამონტაჟებული იყო “ქართული ოცნების” კამერები, რომელიც მიმართული იყო ხმის მთვლელი/მიმღები აპარატისკენ.

მათი თქმით, ამომრჩევლის კონსტიტუციური უფლება მასობრივად დაირღვა, რაც დაცვას საჭიროებს. ტექნოლოგიით ჩატარებულ უბნებზე ბევრი მოქალაქე აღმოჩნდა ისეთ სიტუაციაში, სადაც მათი არჩევანი აღარ იყო ფარული. სწორედ ამ მიზნით, საია-მ მოითხოვა ყველა იმ უბნის შედეგების ბათილად ცნობა, სადაც ხმის ფარულობის უფლება დაირღვა (2,263 უბანი), — ნათქვამია საია-ს განცხადებაში.