BBC-ის ინფორმაციით, მინიმუმ 51 ადამიანი დაიღუპა ესპანეთის სამხრეთ-აღმოსავლეთში ძლიერი წვიმის შედეგად.

ვალენსიის მახლობლად მდებარე ქალაქ ჩივაში რვა საათში იმდენი წვიმა მოვიდა, რაც ერთი წლის განმავლობაში მოდის. ადგილობრივი ოფიციალური პირები ამბობენ, რომ შეუძლებელია დაღუპულთა ზუსტი რიცხვის დადგენა.

სოციალურ მედიაში გავრცელებულ კადრებში ჩანს, რომ წყალდიდობა ანგრევს ხიდებს, გზებზე მდინარეები მოედინება, რომელსაც მანქანები მოაქვს და ხალხი თავის გადასარჩენად ხეებს ეკიდება. სააგენტო წერს, რომ ძლიერმა წვიმამ და სეტყვამ ქვეყნის დიდი ნაწილი მძიმედ დააზარალა.

თუ გაინტერესებს მსოფლიოში მიმდინარე მნიშვნელოვანი ამბები, გაწევრიანდით ჯგუფში — რა ხდება მსოფლიოში