"კორუფციის აღქმის ინდექსი" 180 ქვეყანაში კორუფციის მხრივ არსებულ მდგომარეობას აფასებს. თითოეული ქვეყანა ფასდება 100-ბალიანი სისტემით, სადაც 100 ქულა - დადებითი, ხოლო 0 უარყოფითი შედეგია. ის ავტორიტეტული საერთაშორისო ორგანიზაციების კვლევებს ემყარება და 1995 წლიდან ქვეყნდება.

"საერთაშორისო გამჭვირვალობამ" ბოლო ანგარიში 2023 წელს გამოაქვეყნა. მონაცემებით, საქართველოს 53 ქულა ერგო, რაც წინა წლებთან შედარებით 3 ქულით ნაკლებია. ასეთი დაბალი შედეგი ჩვენს ქვეყანას 2015 წლის შემდეგ პირველად აქვს.

"საერთაშორისო გამჭვირვალობის" ანალიზის მიხედვით, ქვეყანაში იზრდება მაღალი დონის კორუფცია და ღრმავდება სახელმწიფო ინსტიტუტების მიტაცება.