სამთავრობო ტელევიზიის მიერ გავრცელებული განცხადებით, დილიდან თბილისში ე.წ. ქოლცენტრების საქმეზე გამოძიებები მიმდინარეობს, ხოლო ქოლცენტრების უკან დავით კეზერაშვილი დგას.

24 ოქტომბრის დილით, tlantic Council-ის ორი თანამშრომლის, ეთო ბუზიაშვილისა და სოფო გელავას სახლებში ჩხრეკა ჩაატარეს. ისინი ატლანტიკური საბჭოს ორგანიზაცია "ციფრული ექსპერტიზის კვლევითი ლაბორატორიის" მკვლევრები არიან. საბჭო ამერიკული კვლევის ცენტრია, რომელიც 1961 წელს დაფუძნდა.

ფინანსურმა პოლიციამ ის ფართიც გაცხრიკა, რომელსაც სთენდაფერი ონისე ცხადაძე და მისი ძმა ქირაობდნენ — ამის თაობაზე ინფორმაცია თვითონ ონისემ Facebook-ზე გაავრცელა. ონისე კალიფორნიაში დაარსებული ბიზნეს პროცესების მართვის კომპანია Concentrix-ში მუშაობს და საერთაშორისო ბრენდებს უწევს კონსულტაციას.

ცხადაძეს თქმით, ამოღებულია სხვადასხვა ტექნიკა, მათ შორის, ლეპტოპი და ტელეფონიც.

დღევანდელ ჩხრეკაში ვალერი ტყეშელაშვილის სახლიც მოჰყვა, რომელიც Mercatus Capital-ის დამფუძნებელია და საქართველოში დროებით არის ჩამოსული.