მარნეულის პოლიციამ, დიდი რაოდენობით თანხის გამოძალვაში ჯგუფურად დახმარების ბრალდებით 2001 და 2006 წელს დაბადებული ორი პირი დააკავა.

"მიმდინარე წლის 22 ოქტომბერს, მარნეულის მუნიციპალიტეტის ერთ-ერთ სოფელში მცხოვრები მოქალაქის ეზოში, დაშინების გზით, ფულის გამოძალვის მიზნით, ხელყუმბარა ისროლეს. გამოძიებით დადგინდა,რომ აღნიშნულ ფაქტამდე დაზარალებულს საზღვარგარეთ მცხოვრები პირები დაუკავშირდნენ და სიცოცხლის მოსპობის და ქონების განადგურების მუქარით დიდი ოდენობით თანხის გადახდა მოსთხოვეს.

საქმეზე ჩატარებული გამოძიებით დადგინდა, რომ საზღვარგარეთ მყოფ პირებს გამოძალვაში დახმარებას ამჟამად ბრალდებულის სახით დაკავებული ს.ა. — და ი.ხ. უწევდნენ.

საქმესთან დაკავშირებით გრძელდება საგამოძიებო მოქმედებები", — წერია შსს-ს მიერ გავრცელებულ განცხადებაში.