ყველასათვის კარგად ნაცნობი პოპ მომღერალი მადონა, დღეს 59 წლის გახდა. ვარსკვლავმა საკუთარ საიუბილეო დღეს სალენტოს ნახევარკუნძულზე მოგზაურობა დაამთხვია და სავარაუდოდ, დაბადების დღის აღნიშვნასაც სწორედ აქ, საკუთარ ქალიშვილებთან ერთად გეგმავს.

მადონა ლუიზა ჩიკონე 1958 წლის 16 აგვისტოს, მიჩიგანის შტატში, ბეი სითიში დაიბადა. მრავალშვილიან, კათოლიკურ ოჯახში აღზრდილი გოგო, განათლების მიღების პარალელურად, ბალეტს ეუფლება.

მადონას წარმატებისაკენ სწრაფვა მაშინ დაიწყო, როდესაც პირველი კურსზე სწავლა მიატოვა და სულ რაღაც 35 დოლარით ნიუ-იორკში გაემგზავრა. მომღერალი თვლის, რომ ცხოვრებაში ეს მისი პირველი გაბედული ნაბიჯი იყო.

პირველი სინგლი EVERYBODY რომლის ტექსტიც მადონამ თავად დაწერა, თავისი დროის საუკეთესო საკლუბო, საცეკვაო მუსიკის ჰიტ-აღლუმების ლიდერი იყო.

მადონამ, მოგვიანებით, პირველი ალბომი, Madonna გამოუშვა. აღსანიშნავია, რომ ალბომზე თავის ბოიფრენდთან, ჯონ ბენიტესთან ერთად მუშაობდა. საბოლოო ჯამში სადებიუტო ალბომი ასევე ჰიტ-აღლუმების მოწინავე პოზიციებზე მოხვდა.

სიმღერები Lucky Star, Borderline და Holiday კი გაჰიტდა და წლის საუკეთესო 100 მუსიკალურ ნამუშევარში დაასახელეს.

მადონა დღემდე ინარჩუნებს ერთ-ერთი ყველაზე გავლენიანი და მოთხოვნადი ვარსკვლავის სტატუს, რომელიც თავისი ინოვაციური, სკანდალური, სექსუალური ხასიათისა თუ რელიგიურ თემატიკაზე გადაღებული ვიდეო კლიპებით ყველასაგან გამოირჩევა და მიუხედავად იმისა რომ დღეს 59 წელი შეუსრულდა, აგრძელებს წარმატებულ კარიერას, ყველა დროის ყველაზე გაყიდვადი ქალი მომღერალისა და პოპის დედოფლის ტიტულსაც ატარებს.