სულ მცირე 20 ადამიანი გარდაიცვალა და 42 დაშავდა ორლანდოში, გეი კლუბში თავდამსხმელის სროლის დროს. ამის შესახებ ორლანდოს პოლიცია ავრცელებს ინფორმაციას.

პოლიციის ოფიცრები სროლიდან 3 საათის შემდეგ შევიდნენ კლუბში და მკვლელის ლიკვიდაცია მოახდინეს. მანამდე მკვლელმა ცეცხლი გაუხსნა პოლიციასაც. ოპერაციაში სულ ცხრა პოლიციელი მონაწილეობდა, ერთ-ერთი მათგანი დაშავდა და თავისმა ჩაფხუტმა გადაარჩინა.

სამართალდამცავები ფაქტს ტერორისტულ აქტს უწოდებენ, თუმცა ჯერ უცნობია ადგილობრივი იყო თუ საერთაშორისო.

FBI-ის წარმომადგენელმა რონალდ ჰუპერმა მედიას განუცხადა, რომ თავდამსხმელს კონკრეტული იდეოლოგიის მიმართ ჰქონდა მიდრეკილება, თუმცა ეს დადასტურებული არ არის.

საავადმყოფოსთან შეკრებილები არიან დაღუპულთა და დაშავებულთა ნათესავები.

12 მაისს, გამთენიისას, ფლორიდის შტატში, ორლანდოში, ღამის კლუბს შეიარაღებული პირი თავს დაესხა, იქ მყოფ ხალხს ცეცხლი გაუხსნა და მძევლები აიყვანა.