ადგილობრივი არხების ცნობით სუდანში სატვირთო თვითმფრინავი ილ-76 ჩამოაგდეს, რომელშიც რუსები იმყოფებოდნენ. სავარაუდოდ არის მსხვერპლი.

სუდანში რუსეთის საელჩო ამ თემასთან დაკავშირებით კომენტარს არ აკეთებს, რადგან დიპლომატიური მისიის წარმომადგენლების მტკიცებით, გარემოებების გარკვევას ართულებს ის, რომ სადაც ავიაკატასტროფა მოხდა, ის რეგიონი სამოქალაქო ომშია ჩაფლული.

Sudan War Monitor-ის მტკიცებით, თვითმფრინავი გასამხედროებული ორგანიზაციის სწრაფი რეაგირების ძალების (RSF) მებრძოლებმა შეცდომით ჩამოაგდეს, რადგან ბორტზე არსებული ტვირთი, სავარაუდოდ, განკუთვნილი იყო თავად RSF-სთვის.

Sudan War Monitor არის მედია, რომელიც ქვეყანაში სამხედრო ოპერაციების შესახებ ანგარიშებს აქვეყნებს.