ბათუმში გენერალ აბაშიძის ქუჩაზე ხანძარი გაზის ცისტერნების აფეთქებამ გამოიწვია. შინაგან საქმეთა სამინისტროს წარმომადგენელმა On.ge-სთან საუბარში თქვა, რომ შედეგად დაშავებულია სამი ადამიანი და დანგრეულია ორი კერძო საცხოვრებელი სახლი.

საგანგებო სიტუაციების მართვის პრესსამსახურის ინფორმაციით, ადგილზე 60 მეხანძრე მუშაობდა და ამ დროისთვის ცეცხლი ლოკალიზებულია.

დაშავებულები საავადმყოფოში გადაიყვანეს. სამედიცინო ცენტრი "მედინა" სადაც გადაყვანილია ერთ-ერთი დაშავაბული ინფორმაციას ავრცელებს, რომ პაციენტის მდგომარეობა უკიდურესად მძიმეა, მას სხეულის 90 პროცენტი აქვს დამწვარი.

ცისტერნის აფეთქების მიზეზი ამ დროისთვის უცნობია. საქმეზე გამოძიება საქართველოს სისხლის სამართლის კოდექსის 240-ე მუხლით მიმდინარეობს.