მოვენტო მცენარეთა დაცვის საშუალებების მწარმოებელი კომპანიის BAYER-ის ინოვაციური ინსექტიციდია, რომელიც ორმხრივი სისტემურობით გამოირჩევა და ეფექტურად იცავს ბოსტნეულ და ხეხილოვან კულტურებს მწუწნი მავნებლებისგან. პრეპარატის მოქმედი ნივთიერებები აღწევს მცენარის ქსილემასა და ფლოემაში და ორმხრივი სისტემურობის დამსახურებით, იწყებს აღმავალი და დაღმავალი მიმართულებით გადაადგილებას. ამგვარად, ინსექტიციდი არა მხოლოდ მცენარის მიწისზედა ნაწილებს იცავს მავნებლებისგან, არამედ აღწევს ფესვებშიც. ამასთანავე, მოვენტო ხანგრძლივი დაცვის ეფექტით გამოირჩევა და აქვს მცენარის გაძლიერების უნარი.

მოვენტო ეფექტურად ებრძვის ფართო სპექტრის მწუწნ მავნებლებს, მათ შორის ბუგრებს, ფრთათეთრებს, ფარიანებსა და ფსილებს. ის ამცირებს ზრდასრული მდედრების ნაყოფიერებას და მათი შთამომავლობის სიცოცხლისუნარიანობას. ამასთანავე, პრეპარატი ეფექტურია ფარულად მცხოვრები და რეზისტენტული მავნებლების წინააღმდეგაც, თუმცა უსაფრთხოა ისეთი სასარგებლო მწერებისთვის, როგორებიცაა მავნებელთა პარაზიტები და ჭიამაიები.

როგორ გამოვიყენოთ მოვენტო?

მოვენტო გამოიყენება ხეხილოვან და ბოსტნეულ კულტურებში, ასევე, ვაზის მავნებლების კონტროლისათვის. პრეპარატი შეგიძლიათ მოიხმაროთ როგორც პროფილაქტიკური დანიშნულებით, ისე მავნებლის აქტიურ ფაზაში.

სეზონის განმავლობაში მოვენტოს გამოყენება რეკომენდებულია მხოლოდ 2-ჯერ. იმ შემთხვევაში კი, თუ ნაკვეთი სხვა პრეპარატითაა დამუშავებული, სასურველია, ის მხოლოდ ერთხელ მოიხმაროთ.

გაითვალისწინეთ, რომ მოვენტო თავსებადია უმეტეს ფუნგიციდთან, თუმცა თავის დაზღვევის მიზნით, გირჩევთ, წინასწარ გაიაროთ კონსულტაცია სპეციალისტთან. ამისთვის შეგიძლიათ დაუკავშირდეთ „აგროსფეროს“ წარმომადგენლებს ნომერზე: +995 322 500 900 ან ეწვიოთ კომპანიის მაღაზიათა ქსელს.