კომუნიკაციების კომისიამ ერთიანობა-ნაციონალური მოძრაობის საჩივარი დააკმაყოფილა და რუსთავი 2 უფასო პოლიტიკური რეკლამის განუთავსებლობისთვის "საარჩევნო კოდექსის" დამრღვევად სცნო და ადმინისტრაციული სამართალდარღვევათა ოქმი შეუდგინა.

ერთიანობა-ნაციონალურმა მოძრაობამ ComCom-თან საჩივარი წარადგინა, რომლის მიხედვითაც 10 ნოემბრიდან რუსთავი 2-ის ეთერში აღარ გადის მათ მიერ მოწოდებული უფასო პოლიტიკური რეკლამები აღარ გადის.

ComCom-ის თქმით, რეკლამა იმ დროიდან არ გადის, როცა ტელეკომპანია იმედმა და პოსტვ-იმ საჯარო განცხადება გაავრცელეს იმის თაობაზე, რომ აღარ განათავსებდნენ ოპოზიციური პარტიების პოლიტიკურ რეკლამებს. რუსთავი 2-ს მსგავსი განცხადება არ გაუვრცელებია, თუმცა ამ დროიდან წყდება მათ ეთერში ერთიანობა-ნაციონალური მოძრაობის ვიდეორგოლის გაშვება.

კომუნიკაციების კომისიის თქმით, ტელეკომპანია რუსთავი 2 ვალდებულია 50 დღის განმავლობაში, ყოველ 3 საათში გამოყოს 7.5 წუთი წინასაარჩევნო რეკლამის უსასყიდლოდ განსათავსებლად.

"საქართველოს „საარჩევნო კოდექსის“ თანახმად, საერთო ეროვნული საეთერო მაუწყებელი ვალდებულია არჩევნებამდე დარჩენილი ბოლო 50 დღის განმავლობაში, ყოველ 3 საათში გამოყოს 7.5 წუთი წინასაარჩევნო რეკლამის უსასყიდლოდ განსათავსებლად და ამასთან, თითოეული კვალიფიციური საარჩევნო სუბიექტის მიერ წარდგენილი წინასაარჩევნო რეკლამა თანაბრად და არადისკრიმინაციულად განათავსოს", — წერს კომუნიკაციების კომისია.