უკრაინას ან ბირთვული იარაღი ექნება, ან ჩვენ NATO-ს წევრი ვიქნებით, — ამის შესახებ მან ვოლოდიმირ ზელენსკიმ, მისივე თქმით აშშ-ის ყოფილ პრეზიდენტთან, დონალდ ტრამპთან შეხვედრაზე განაცხადა.

"დიდი ქვეყნებიდან, ბირთვული სახელმწიფოებიდან რომელი დაზარალდა? არცერთი. მხოლოდ ერთი — უკრაინა. ვინ დათმო ბირთვული იარაღი? ყველამ? ერთმა — უკრაინამ. ვინ იბრძვის დღეს? უკრაინა. დონალდ ტრამპთან საუბრისას მას ვუთხარი: რა არის გამოსავალი? ან უკრაინას ბირთვული იარაღი ექნება და ეს ჩვენთვის დაცვა იქნება, ან რაიმე სახის ალიანსი უნდა გვქონდეს. NATO-ს გარდა ჩვენ სხვა ეფექტური ალიანსები არ ვიცით", – განაცხადა უკრაინის პრეზიდენტმა, ბრიუსელში, ევროპული საბჭოს სამიტზე მონაწილეობის შემდეგ გამართულ პრესკონფერენციაზე.

ვოლოდიმირ ზელენსკიმ აღნიშნა, რომ დღეს NATO-ს ქვეყნები არ იბრძვიან, სწორედ ამიტომ, უკრაინა NATO-ს ირჩევს და არა ბირთვულ იარაღს.