ინტერ რაოს გამგეობის წევრმა ალექსანდრა პანინამ განაცხადა, რომ რუსეთის ფედერაციამ საქართველოსა და აზერბაიჯანს საგანგებო სიტუაციებში ელექტროენერგიის იმპორტი სთხოვა. TASS-ის ინფორმაციით, საუბარია თითოეული ქვეყნიდან 300 მგვტ-ის მიწოდებაზე.

"დიახ, ჩვენ ვთხოვეთ ორ ქვეყანას: აზერბაიჯანს და საქართველოს მიწოდების უზრუნველყოფის შესახებ. ჩვენ ვთხოვეთ ორ მეზობელ ენერგოსისტემას რომ მოგვაწოდოს [ელექტროენერგია] საგანგებო მდგომარეობის დროს", — განაცხადა პანინამ.

მან დასძინა, რომ კომპანიას პასუხი ბაქოდან და თბილისიდან ჯერ არ მიუღია.

პანინას თქმით, რუსეთი შეეცდება ქვეყნის ელექტროენერგიით უზრუნველყოფას გარე მიწოდების გარეშე, მაგრამ თუ საგანგებო სიტუაცია მოხდება, ქვეყანას შეუძლია მეზობელი ქვეყნების ენერგოსისტემებს მიმართოს.