მოლდოვის დესტაბილიზაციის მიზნით ჩადენილ ქმედებებისთვის ევროკავშირმა მოლდოვის ავტონომიური რეგიონის, გაგაუზიის ლიდერს, ევგენია გუცული სანქციები დაუწესა, —ინფორმაციას ევროკავშირის საბჭოს პრესსამსახური ავრცელებს.

ევგენია გუცული "რეგიონში სეპარატიზმის ხელშეწყობაზეა პასუხისმგებელი, ცდილობს დაამხოს კონსტიტუციური წესრიგი და მოლდოვის სუვერენიტეტსა და დამოუკიდებლობას საფრთხეს უქმნის", — ნათქვამია ევროკავშირის საბჭოს პრესსამსახურის მიერ გავრცელებულ ინფორმაციაში.

ამას გარდა ევროკავშირმა სანქციები ოთხ ფიზიკურსა და ერთ იურიდიულ პირს დაუწესა.

სანქციები მათი აქტივების გაყინვას, ევროკავშირში შესვლის აკრძალვასა და მათთვის სხვა სახის ეკონომიკური რესურსების გადაცემის აკრძალვას ითვალისწინებს.