ბათუმის შემოვლითი ახალ მაგისტრალურ გზაზე ავტოტრანსპორტი თავისუფლად გადაადგილდება — ამის შესახებ Bm.ge-ს საავტომობილო გზების დეპარტამენტში განუცხადეს.

ინფორმაციის დასაზუსტებლად, Bm.ge საავტომობილო გზების დეპარტამენტს დაუკავშირდა, სადაც გვითხრეს, რომ გზა იქამდე იყო დაკეტილი, მანამ ღონისძიების ინვენტარს არ გაიტანდნენ. აღნიშნულის გატანის შემდეგ კი ბათუმის შემოვლით გზაზე გადაადგილება შეუფერხებლად მიმდინარეობს.

"გზა იქამდე იყო დაკეტილი, სანამ სცენას არ დაშლიდნენ. მას შემდეგ რაც ინვენტარი იქნა გატანილი, რომელიც გზაზე იყო განთავსებული გაიხსნა გზა და ტრანსპორტი თავისუფლად სარგებლობს ამ გზით. ამის ამსახველი ვიდეო მასალა გვიდევს ჩვენს გვერდზე", — გვითხრეს საავტომობილო გზების დეპარტამენტში.

შეგახსენებთ, ინტერნეტ გამოცემა აჭარა თაიმსმა გაავრცელა ვიდეო, სადაც ჩანს, რომ გუშინ საზეიმოდ გახსნილი გზა ღონისძიების დასრულების შემდეგ მოქალაქეებისთვის დაკეტეს, რადგან პროექტი დაუსრულებელი იყო.