გორბის კვლევები თეთრ, მრგვალ მაგიდასთან იწერება, — ამის შესახებ პარტია გახარია საქართველოსთვის თავმჯდომარე, გიორგი გახარიამ PALITRANEWS-ის გადაცემა 360 გრადუსში ისაუბრა.

გახარიას აღნიშნა, რომ 2020 წლის საპარლამენტო არჩევნების დროს, როცა ის თავად იყო ქართული ოცნების საარჩევნო სიის პირველი ნომერი "გორბის" კვლევა ბევრად ობიექტურად გამოიყურებოდა.

— ჟურნალისტი: ბოლო გამოკითხვებით მემგონი ბარიერიც არ გადაგალახვინეს ...

— გიორგი გახარია: "გორბის" კვლევას გულისხმობთ? თქვენ ხშირად მოგყავთ თქვენს გადაცემაში, მაგალითად? როგორც სანდო წყარო ისე მოგყავთ ხოლმე? გინდათ მოგიყვეთ გორბის სანდოობის ხარისხი როგორია? "გორბის" კვლევები დიდ თეთრ მაგიდასთან იწერება.

— ჟურნალისტი: როგორ ასე სურვილისამებრ?

— გიორგი გახარია: დიახ. ამას მიუმატე ამდენი, ამას მოაკელი ამდენი ... აი ასე იწერება, სხვა კი არაფერი — და მთავარი მიზანი რა არის?

— ჟურნალისტი: 2020-ში თქვენ, რომ პირველი ნომერი იყავით მაშინაც ასე იწერებოდა?

— გიორგი გახარია: "ერთი წუთი და გეტყვით. მთავარი რა არის, მთავარი არის, რომ ამ კვლევებით ზემოქმედება მოახდინო ამომრჩევლების განწყობაზე და 2020-ში მცდელობა, რომ იყო ვეუბნებოდი აბა ახლა გაიქეცით აქედან წადით მეთქი. აი ასე ხდებოდა და მაშინდელი კვლევები შეგიძლიათ გამოიყენოთ, ის უფრო ობიექტური იყო" – თქვა გახარიამ.