"მიუხედავად იმისა რომ მედიის მთავარი ფუნქცია კითხვების დასმაა, ის არ უნდა ატარებდეს დისკრიმინაციულ ხასიათს. არანაირი მნიშვნელობა არ აქვს საქართველოს მოქალაქე, რომელ ეთნიკურ ჯგუფს განეკუთვნება. კონსტიტუციის და კანონის თანახმად ჩვენ ყველანი თანასწორები ვართ", — ვკითხულობთ ლევან იოსელიანის მიერ Facebook-ზე გამოქვეყნებულ პოსტში

საქართველოს სახალხო დამცველი ასე სამთავრობო პროპაგანდისტულმა არხი POSTV-ის მიერ 11 ოქტომბერს გამოქვეყნებულ ვიდეოს გამოეხმაურა, სადაც ჩანს, რომ ტელევიზიის წარმომადგენელი კოალიცია ძლიერი საქართველოს ერთ-ერთ ლიდერს, მამუკა ხაზარაძეს ეკითხება, თუ რატომ მალავს ის "სომხურ წარმომავლობას", რისი "დამადასტურებელი ფაქტებიც", ჟურნალისტის თქმით, აქვთ.

მოძრაობა მრავალფეროვანმა საქართველომ ამ ვიდეოს გამო POSTV-ს ჟურნალისტური ეთიკის ქარტიაშიც უჩივლა.