ფინანსთა სამინისტროს შემოსავლების სამსახური აცხადებს, რომ საბაჟო გამშვები პუნქტი ყაზბეგი, საგანგებო მდგომარეობის გამო, დროებით წყვეტს მუშაობას.

შემოსავლების სამსახურმა აღნიშნული გადაწყვეტილება დარიალის ხეობაში არსებული რთული მეტეოროლოგიური ვითარების გამო მიიღო. გამშვები პუნქტი პრობლემის აღმოფხვრამდე არ იმუშავებს.

ფინანსთა სამინისტროს შემოსავლების სამსახურის საბაჟო გამშვებ პუნქტში ყაზბეგი, თანამშრომლებისა და ხალხის ევაკუაცია განხორციელდა.

გარემოს დაცვის სამინისტროს განცხადებით, ამალი-დევდორაკის ხეობაში ღვარცოფული პროცესების გააქტიურების გამო, მცხეთა-სტეფანწმინდა ლარსის საავტომობილო გზის 134-კმ - 135კმ მონაკვეთზე, ყველა სახის ავტოტრანსპორტის მოძრაობა აკრძალულია.