მას შემდეგ, რაც Charli XCX-ის ალბომმა brat ინტერნეტი დაიპყრო და ზაფხულის ყველაზე პოპულარული ნამუშევარი გახდა, ბრიტანელმა მომღერალმა მსოფლიო ტური დაიწყო და ახალი ალბომიც დააანონსა.

brat and it’s completely different but also still brat — ასე ერქმევა ჩარლის ახალ ალბომს, რომელშიც, მომღერლის ცნობით, მუსიკალური ინდუსტრიის წარმომადგენლების ძალიან საინტერესო ნაკრებს ვიხილავთ. არიანა გრანდე, Bon Iver, The Strokes-ის სოლისტი ჯულიან კასაბლანკასი, ტროი სივანი, the 1975, Bladee, ტინაში, ჯონ ჰოპკინსი, Yung Lean, ედისონ რეი — ეს ალბომში კოლაბორაციისთვის მოწვეულ მუსიკოსთა არასრული ჩამონათვალია.

brat and it’s completely different but also still brat პარასკევს, 11 ოქტომბერს გამოდის. ალბომში შესული სიმღერებიდან რამდენიმეს შესახებ უკვე ცნობილია — Von Dutch A. G. Cook Remix ედისონ რეისთან ერთად, 360 Robyn-თან და Yung Lean-თან ერთად, Girl, So Confusing ლორდთან ერთად, Guess ბილი აილიშთან ერთდ და Talk Talk ტროი სივანთან ერთად.