დღეს, 6 ოქტომბერს ისრაელის ქალაქ ბეერ-შევაში ავტობუსის გაჩერებასთან შეიარაღებულმა თავდამსხმელმა ცეცხლი გახსნა, რის შედეგადაც ერთი ქალი დაიღუპა, 10 კი დაიჭრა.

თავდამსხმელის ვინაობა ამ დროისთვის უცნობია, თუმცა თვითმხილველების ცნობით, დაინახეს როგორ ესროლეს ისრაელელმა სამხედროებმა თავდამსხმელს. ადგილზე მისული სამედიცინო ჯგუფის ინფორმაციით, ის ლიკვიდირებულია.

პოლიციის თქმით, შემთხვევა ტერორისტული თავდასხმა იყო.

ისრაელში, 1 ოქტომბერს კიდევ ერთი თავდასხმა მოხდა, ორმა შეიარაღებულმა თავდამსხმელმა მშვიდობიან მოქალაქეებს ცეცხლი გაუხსნა. შედეგად გარდაიცვალა 8 ადამიანი, მათ შორის 1 ქართველი. დაიჭრა 7.

აღნიშნულ თავდასხმებს წინ უსწრებდა ირანის სარაკეტო შეტევა ისრაელზე, რა დროსაც ირანმა 200-მდე ბალისტიკური რაკეტა გაისროლა ისრაელის მიმართულებით.