28 სექტემბერს, წალკელმა ეპისკოპოსმა გრიგოლმა (კაცია) მცხეთის მუნიციპალიტეტის სოფელ ლისის ყოვლადწმინდა ღვთისმშობლის მიძინების სახელობის მამათა მონასტერში, ღვთისმშობლის შობის სახელობის ახალაგებული ტაძარი აკურთხა. ამის შესახებ საპატრიარქოს უწყებანი წერს და შესაბამის ფოტოებს აქვეყნებს.

სოფელ ლისში ღვთისმშობლის შობის სახელობის ტაძარი აკურთხეს

სოფელ ლისში ღვთისმშობლის შობის სახელობის ტაძარი აკურთხეს

რუსეთის ქართული სათვისტომოს ინფორმაციით, "თბილისში, ლისის ტბის მიდამოებში, ღვთისმშობლის შობის სახელობის ახალი ტაძარი აკურთხეს. ტაძარი ცნობილი არტისტის, სოსო პავლიაშვილის ინიციატივითა და ხარჯებით აშენდა". აქვეა სოსო პავლიაშვილის კომენტარი:

"დღეს ჩვენი ღვთისმშობლის შობის ტაძარი გააბრწყინეს. წარმოუდგენლად ბედნიერი ვარ. არც კი მჯერა, რომ ჩვენ ეს შევძელით. ღმერთი ყოველთვის გვეხმარება, მე ეს ვიცი!", — აცხადებს სოსო პავლიაშვილი.

როგორც რადიო თავისუფლება წერს, 2020 წელს პავლიაშვილი ამბობდა, რომ საქართველოში ეკლესიას აშენებდა, თუმცა რუსეთსა და საქართველოს შორის დაძაბული ურთიერთობების გამო ამას არ ახმაურებდა.

სოსო პავლიაშვილი უკრაინაში რუსეთის სრულმასშტაბიანი შეჭრის აქტიური მხარდამჭერია და ხშირად მონაწილეობს კრემლის ორგანიზებით ჩატარებულ ღონისძიებებში.