საქართველოს პრემიერ-მინისტრი, ირაკლი კობახიძე, X-ზე ჩრდილოატლანტიკური ხელშეკრულების ორგანიზაციის ახალი გენერალური მდივნის, მარკ რუტეს, დანიშვნას მისალოცი პოსტით გამოეხმაურა.

"ვულოცავ მარკ რუტეს, NATO-ს მე-14 გენერალურ მდივანს. ვუსურვებ მას წარმატებებს ამ მნიშვნელოვან პოზიციაზე. როგორც NATO-ს ოპერაციების აქტიური მონაწილე, საიმედო და მტკიცე პარტნიორი, საქართველო მზად არის მხარი დაუჭიროს ალიანსს, გააღრმავოს არსებული ურთიერთობები და შეიტანოს წვლილი მსოფლიო მშვიდობასა და უსაფრთხოებაში", — ვკითხულობთ პოსტში