ამერიკის შეერთებული შტატების კონგრესის წარმომადგენელთა რესპულიკელი სპიკერი მაიკ ჯონსონმა 25 სექტემბრით დათარიღებული, უკრაინის პრეზიდენტ ვოლოდიმერ ზელენსკისთვის მიწერილი წერილი საჯაროდ გამოაქვეყნა, სადაც იგი აშშ-ში უკრაინის ელჩის, ოქსანა მარკაროვას “დაუყოვნებლივ გათავისუფლებას” ითხოვს.

წერილის მიხედვით, ჯონსონმა ეჭვი შეიტანა მარკაროვას “პატიოსნებაში” და დემოკრატების სასარგებლოდ “პარტიზანულ კამპანიაში” დაადანაშაულა.

რესპუბლიკელების გაოცება გამოიწვია იმან, რომ 22 სექტემბერს, საბრძოლო ჭურვების ქარხანაში (რომელიც პენსილვანიის შტატში მდებარეობს) ზელენსკის სტუმრობისას იქ იმყოფებოდნენ მხოლოდ დემოკრატიული პარტიის წარმომადგენლები და არ იყო მიწვეული არცერთი რესპუბლიკელი.

სპიკერი ჯონსონი თვლის რომ დემოკრატების სასარგებლოდ ჩატარებული პარტიული ღონისძიება, აშკარად იყო შეერთებული შტატების საარჩევნო პროცესში ჩარევა.

ჯონსონის წერილში ნათქვამია, რომ ელჩის მიერ ორგანიზებული ამ “პარტიზანული კამპანიის” გამო, რესპუბლიკელები მარკაროვნას აღარ ენდობიან, რომ მის პატიოსნად და ეფექტიანად შეასრულებს დიპლომატის ფუნქციებს.