გიგი გიგიაძე: უფრო გასაკვირი იქნებოდა, ვიღაც შეხვედროდა "ქართულ ოცნებას"

25 Sep. 2024, 17:32

"ასეთი რაღაც აქამდე არ მომხდარა, მაგრამ არც ის მომხდარა, რომ საქართველოს ხელისუფლება ყოველდღიურ რეჟიმში შეურაცხყოფას აყენებდეს ჩვენს სტრატეგიულ პარტნიორს, დეზინფორმაციას ავრცელებდეს დასავლეთის წინააღმდეგ, ელჩს ესაუბრებოდეს ულტიმატუმებისა და შანტაჟის ენით და საქართველოს მოსახლეობის აბსოლუტური უმრავლესობის ნების უგულებელყოფას ახდენდეს.

შესაბამისად, ის, რასაც ახლა ჩვენ ვხედავთ და გვესმის აშშ-დან, სრულიად ადეკვატური რეაქციაა ამერიკული პარტნიორებისა ქართული ოცნების ქმედებებზე. ამიტომ აქ გასაკვირს ვერაფერს ვხედავ, პირიქით, სრულიად ლოგიკური გაგრძელებაა იმ პოლიტიკისა, რომელსაც ახორციელებს ქართული ოცნება. ჩემთვის უფრო გასაკვირი იქნებოდა, რომ ამერიკაში ვიღაც შეხვედროდა და მაღალი დონის შეხვედრები ეწარმოებინათ ქართული ოცნების წარმომადგენლებს. განსაკუთრებით, ამერიკის ელჩთან ბოლო შეხვედრის შემდეგ, სადაც [ირაკლი კობახიძე] მუქარანარევი და შანტაჟის ენით ესაუბრა საქართველოს სტრატეგიულ პარტნიორს, მისი სახელმწიფოებრიობის ერთ-ერთ უმთავრეს გარანტორს და ჩვენს მუდმივ მხარდამჭერს".

ბოლო ამბები:

გიგი გიგიაძე გიგი გიგიაძე: უფრო გასაკვირი იქნებოდა, ვიღაც შეხვედროდა "ქართულ ოცნებას"

კომენტარები

კვირის ტოპ-5

გირჩევთ

ახლა კითხულობენ

აფრიკის თასის სკანდალი: სენეგალს ტიტული ჩამოერთვა და ჩემპიონად მაროკო გამოცხადდა