არქეოლოგებმა თურქეთში, ერთ-ერთი უძველესი ციხე-სიმაგრის გათხრებისას, 2700 წლის წინანდელი სამი ბრინჯაოს ფარი და ერთი ჩაფხუტი აღმოაჩინეს. ამის შესახებ თურქეთის კულტურის მინისტრმა ინსტაგრამსა და X-ზე განცხადება გამოაქვეყნა.

არქეოლოგიური გათხრები ვანის ტბის სანაპირო ბორცვზე აშენებულ აიანისის ციხე-სიმაგრეში ჩატარდა, რომელიც ცნობილია როგორც ურარტული კულტურის ერთ-ერთი მნიშვნელოვანი ნაგებობა.

ფარები და ჩაფხუტი ტაძრის კომპლექსში იპოვეს, რომელიც აგებული იყო ურარტუს სახელმწიფოს პანთეონის მთავარი ღვთაებისთვის, ხალდისთვის.

აღსანიშნავია, რომ ამ ციხე-სიმაგრეში აქამდეც არაერთი მნიშვნელოვანი არტეფაქტი აღმოუჩენიათ, მათ შორის, ბრინჯაოს ეტლი, რომელიც, სავარაუდოდ, საკულტო ქანდაკების გადასატანად გამოიყენებოდა.

აიანისის ციხე-სიმაგრეში მიმდინარე არქეოლოგიურ გათხრებს, ათათურქის უნივერსიტეტის პროფესორი, მეჰმედ იშიკლი ხელმძღვანელობს.