შეერთებული შტატების ხაზინამ ოკუპირებული ცხინვალის რეგიონში არსებულ MRB ბანკს ფინანსური სანქციები დაუწესა. სანქციების მიზეზად რუსეთსა და ჩრდილოეთ კორეას შორის სანქციებისთვის თავის არიდების მცდელობის სქემაში ჩართულობა დასახელდა.

"დღევანდელი ქმედება ხაზს უსვამს ჩვენს მნიშვნელოვან გაოცებას რუსეთსა და ჩრდილოეთ კორეას შორის გაღრმავებულ ფინანსურ ურთიერთობებთან დაკავშირებით, რომელიც ამავდროულად გაეროს უსაფრთხოების საბჭოს გადაწყვეტილებებს არღვევს", — განაცხადა შეერთებული შტატების ტერორიზმისა და ფინანსური დაზვერვის საკითხებში ხაზინის მდივნის მოვალეობის შემსრულებელმა, ბრედლი სმიტმა.

შეერთებული შტატების ხაზინის ვებ-გვერდზე ვკითხულობთ, რომ "რუსეთის ცენტრალური ბანკის მიერ ორკესტრირებული სქემით, TSMRBank, რომელიც მდებარეობს საქართველოს სამხრეთ ოსეთის რეგიონში, ამყარებს საიდუმლო საბანკო ურთიერთობებს ჩრდილოეთ კორეულ TSMR ბანკთან, OOO (TSMR ბანკი) და რუსულ Foreign Trade Bank (FTB) ბანკებთან".

კერძოდ, TSMRBank-ის ვიცე-პრეზიდენტი დიმიტრი იურიევიჩ ნიკულინი ხელს უწყობდა რუსულ FTB ბანკიდან, TSMRBank-ის მეშვეობით, TSMRBank-ში ფულად ტრანზაქციებს.

ნიკულინმა დააორგანიზა და შეძლო TSMRBank-ში FTB-სა და Korea Kwangson Banking Corporation (KKBC) -ის საკორესპონდენტო ანგარიშების გახსნა და კოორდინირებას უწევდა ჩრდილოეთ კორეის წარმომადგენლებს იმაში, რომ უზრუნველეყო მილიონობით დოლარისა და რუბლის ბანკნოტებით მიწოდება MRB-ის ანგარიშებზე.

ხაზინა იუწყება, რომ მოცემული ფინანსური სქემა იარაღით ვაჭრობისთვისა და რუსული საწვავის ჩრდილოეთ კორეისთვის მიწოდებისთვის გამოიყენებოდა.