საფრანგეთის პრევენციული არქეოლოგიური კვლევის ეროვნულმა ინსტიტუტმა (Inrap) 17 სექტემბერს, 2019 წლის 15 აპრილს პარიზის ღვთისმშობლის ტაძარში გაჩენილი ხანძრის შემდეგ ჩატარებული კვლევის ანგარიში გამოაქვეყნა.

როგორც აღმოჩნდა, პარიზის ღვთისმშობლის ტაძრის ქვეშ ჩატარებული არქეოლოგიური გათხრების შედეგად, ცნობილი ფრანგი პოეტის, იოაჰიმ ბელის სამარხი აღმოაჩინეს.

ერიკ კრუბეზიმ, ექიმმა და ანთროპოლოგიის პროფესორმა, ამის შესახებ განცხადება პრეზენტაციის დასასრულს გააკეთა.

პოეტის საფლავის ზუსტი ადგილსამყოფელი მრავალი წლის განმავლობაში უცნობი იყო.

დე ბელი, რომელიც ცნობილია,როგორც ლიტერატურული ჯგუფის La Pleiade-ს წევრი, 1560 წელს გარდაიცვალა.

პარიზის ღვთისმშობლის ტაძრის ქვეშ არქეოლოგიური გათხრების შედეგად ორი სამარხი აღმოაჩინეს, რომლებიც განსაკუთრებულად იყო დალუქული, რაც მიანიშნებდა იმას, რომ აქ ვინმე ცნობილი უნდა ყოფილიყო დასაფლავებული. თუმცა ეს არც თუ ისე გასაკვირი იყო, რადგან მე-14, მე-18 საუკუნეებში ათასობით ადამიანი, ძირითადად ეკლესიის წარმომადგენლები, ტაძრის სასაფლაოზე დაკრძალეს.

მეცნიერებმა, ერთ შემთხვევაში, სწრაფად დაადგინეს იმ ადამიანის ვინაობა, რომელსაც საფლავი ეკუთვნოდა, ეს იყო სასულიერო პირი, ანტუან დე ლა პორტი, რომელიც 1700-იანი წლების დასაწყისში გარდაიცვალა.

თუმცა მათ მაშინვე ვერ შეძლეს გაერკვიათ თუ ვინ იყო მეორე სამარხში დასაფლავებული.

მეცნიერება ანალიზის თანამედროვე მეთოდებს მიმართეს, ყველაფერი კი დე ბელეზე მიუთითებდა. აღმოჩნდა, რომ ყველაზე ცხადი მინიშნება იყო დაავადების კვალი, ძვლის ტუბერკულოზის, რომელიც იწვევს ქრონიკულ მენინგიტს და რომელიც პოეტის სამედიცინო ისტორიას შეესაბამება.