16 სექტემბერს, ირანის პრეზიდენტმა, მასუდ პაზეშკიანმა უარყო რუსეთისთვის ბალისტიკური რაკეტების გაგზავნა. მისივე მტკიცებით, მისი გაპრეზიდენტების შემდეგ, ირანს რუსეთისთვის იარაღი არ მიუწოდებია.

"შესაძლოა ეს წარსულში მოხდა, თუმცა მე შემიძლია, დაგარწმუნოთ, რომ იმ დღიდან, როდესაც მე პრეზიდენტის ოფისი დავიკავე, რუსეთისთვის იარაღი არ მიგვიწოდებია", — განუცხადა ჟურნალისტებს პეზეშკიანმა.

რუსეთისთვის ბალისტიკური რაკეტების გაგზავნა ირანის საგარეო საქმეთა მინისტრმა აბას არაღჩიმაც უარყო და დასძინა, რომ დასავლეთის მიერ ირანისთვის დაწესებული სანქციები მათ შორის არსებულ პრობლემებს ვერ გადაჭრის.

ინფორმაციისთვის, 10 სექტემბერს, აშშ-ის სახელმწიფო მდივანმა ენტონი ბლინკენი ადასტურებდა, რომ ირანმა რუსეთს უკრაინის დასაბომბად ბალისტიკური რაკეტები გადასცა და ირანის წინააღმდეგ ახალი სანქციათა პაკეტი დააანონსა.

6 სექტემბერს კი ამერიკულმა გამოცემა Wall Street Journal-მა, ევროპელ და ამერიკელ მაღალჩინოსნებზე დაყრდნობით, ირანის მხრიდან რუსეთისთვის მოკლე რადიუსის ბალისტიკური რაკეტების შესახებ გაავრცელა ინფორმაცია.

გაიგეთ მეტი: