აფხაზური ტელეგრამის არხები ავრცელებენ ცნობებს დე ფაქტო რესპუბლიკაში ყოფილი ე.წ. საგარეო საქმეთა მინისტრის ინალ არძინბას დაბრუნების შესახებ. ამის შესახებ რადიო თავისუფლება წერს.

აფხაზური ტელეგრამ-არხები ავრცელებენ ცნობებს დე ფაქტო რესპუბლიკაში ყოფილი ე.წ. საგარეო საქმეთა მინისტრის ინალ არძინბას დაბრუნების შესახებ. ტელეგრამის არხი აბხაზსკი პორტალი იუწყება, რომ არძინბამ რუსეთში სამსახური ვერ იშოვა.

ამაზე წყაროს თანახმად, არძინბა აქტიურად თანამშრომლობს ე.წ. პრეზიდენტთან ასლან ბჟანიასთან "პრეზიდენტის ადმინისტრაციის უფროსის" თანამდებობაზე დანიშვნასთან დაკავშირებით. ეს პოსტი ამჟამად აბესალომ კვარჩიას უკავია.

ინალ არძინბამ მიმდინარე წლის მაისის დასაწყისში განცხადება გაავრცელა, სადაც წერდა, რომ თანამდებობიდან თავად გადადგა. მანამდე გახდა ცნობილი, რომ 33 წლის აფხაზეთის დე ფაქტო რესპუბლიკის "პრეზიდენტმა" ასლან ბჟანიამ ის ე.წ. საგარეო საქმეთა მინისტრის თანამდებობიდან გაათავისუფლა.

ცნობისათვის, ინალ არძინბა, აფხაზეთის ე.წ. რესპუბლიკის პირველი პრეზიდენტის, ვლადისლავ არძინბას ნათესავია. ის დე ფაქტო საგარეო საქმეთა მინისტრად დაინიშნა 2021 წლის 17 ნოემბერს. მანამდე არძინბა რუსეთის პრეზიდენტის ადმინისტრაციაში მუშაობდა. ხელმძღვანელობდა რუსეთის პატრიარქთან არსებულ ახალგაზრდულ საქმეთა საზოგადოებრივ საბჭოსაც. ინალ არძინბა აფხაზეთის დე ფაქტო რესპუბლიკის პარლამენტში ინიციირებული "აგენტების კანონის" აქტიური მხარდამჭერი იყო. მანვე აკრძალა 2023 წელს USAID-ის მიერ დაფინანსებული პროექტები და პერსონა ნონ გრატად გამოაცხადა სამხრეთ კავკასიაში ამ ორგანიზაციის მისიის ხელმძღვანელი ჯონ პენელი. ის რუსეთის პრეზიდენტის ადმინისტრაციაში მუშაობისას დონეცკის და ლუგანსკის ე.წ. სახალხო რესპუბლიკებთან ურთიერთობების კურატორიც იყო.