ამერიკელი მსახიობი, ჯეიმს ერლ ჯონსი, რომელიც განსაკუთრებით ცნობილია ვარსკვლავური ომების ფილმებში მთავარი ბოროტმოქმედის, დართ ვეიდერის როლით, 93 წლის ასაკში გარდაიცვალა. მართალია ეკრანზე ვეიდერს დევიდ პროუზი ასახიერებდა, მაგრამ ჯონსს ეკუთვნოდა ვეიდერის ხმა, რომელიც კინოს ისტორიაში ერთ-ერთი ყველაზე ცნობად ხმად რჩება.

მსახიობის გარდაცვალება მისმა აგენტმა, ბარი მაკფერსონმა დაადასტურა, თუმცა მიზეზი არ დაუსახელებია.

ჯონსს ათობით ფილმში აქვს ნათამაშები, მათ შორის არის: Field of Dreams, Coming To America, Conan the Barbarian and The Lion King.

ფოტო: BBC

კარიერის განმავლობაში ჯონსმა ტონის სამი ჯილდო, ასევე ორი ემისა და გრემის ჯილდო მოიგო და 2011 წელს ოსკარიც გადაეცა.

1971 წელს ის გახდა მეორე აფროამერიკელი კაცი, სიდნი პუატიეს შემდეგ, რომელიც ოსკარზე იყო ნომინირებული.

ქართველი მაყურებელი ჯეიმს ერლ ჯონსს განსაკუთრებით კარგად იცნობს ფილმიდან მოგზაურობა ამერიკაში.