ნოვოსიბირსკიდან თბილისის მიმართულებით პირდაპირი ფრენები იწყება, — ამის შესახებ რუსული მედია წერს.

ტოლმაჩევოს აეროპორტის ვებსაიტზე განთავსებული ინფორმაციის მიხედვით, ნოვოსიბირსკიდან თბილისის მიმართულებით პირდაპირ ფრენებს Georgian Airways 2024 წლის 28 სექტემბრიდან განახორციელებს. ფრენები საქართველოს დედაქალაქში კვირაში ორჯერ - სამშაბათს და შაბათს განხორციელდება.

თბილისსა და ნოვოსიბირსკს შორის მგზავრობის ხანგრძლივობა 4 საათი 20 წუთი იქნება. ვებგვერდზე ბილეთების ფასი ჯერ არ არის მითითებული.

ნოვოსიბირსკში ფრენების დაწყების შესახებ ინფორმაცია Georgian Airways-ის ვებგვერდზეც გამოჩნდა, თუმცა მგზავრობის საფასური არც აქაა მითითებული.

Bm.ge-ის ინფორმაციით, დღეისათვის Georgian Airways რეგულარულ რეისებს მოსკოვისა და სანქტ-პეტერბურგის მიმართულებით ასრულებს.