რუსეთის პრეზიდენტმა ვლადიმერ პუტინმა საკუთარ ჯარს კურსკის ოლქიდან უკრაინული შენაერთების განსადევნად 1 ოქტომბრამდე მისცა ვადა, — ინფორმაციას ამის შესახებ უკრაინული მედია ავრცელებს.

ამავდროულად, პუტინმა თავდაცვის სამინისტროს დონბასიდან, განსაკუთრებით ტორეცკისა და პოკროვსკის მიმართულებებიდან ჯარების მოხსნა და კურსკის მიმართულებაზე გადასროლა აუკრძალა.

ცნობისთვის, უკრაინის შეიარაღებული ძალები კურსკის ოლქში 6 აგვისტოს შევიდა. როგორც უკრაინის პრეზიდენტმა ვოლოდიმირ ზელენსკიმ 19 აგვისტოს განაცხადა, უკრაინული ჯარი 1 250 კვადრატული კილომეტრის ტერიტორიას და 92 დასახლებულ პუნქტს აკონტროლებს.